II. ʻO Hawaiʻi ke Kahua o Ka Naʻauao
II. A. He kanaka hoʻomākaukau pono.
II.A.i. Hoʻokahua i ke aʻo ʻana aku ma luna o kona ʻike i ka moʻolelo, ka moʻomeheu, ka lawena a me ke kuanaʻike Hawaiʻi ma nā pōʻaiapili like ʻole.
II.A.ii. Hoʻolālā i nā hopena aʻo kūkohu i pae ai ka haumāna i ka naʻauao, ka pilina kanaka, ke kālai ʻōlelo ʻana a me ka ʻike moʻomeheu me ke kūpono
II.A.iii. Hoʻohana i ka ʻike i noiʻi ʻia, ke kuanaʻike Hawaiʻi, a me nā kiʻina kālaiʻōlelo a kālaimoʻomeheu i mea e pili ai ke aʻo i ke ola o ka haumāna
II.A.iv. Ma luna o ke aʻo kūpono ʻana, ka nanalu ʻana a me ka loiloi ʻana hoʻi e kūkulu ai i ke kulikulama
II.A.v. Hoʻonohonoho ʻia ka haʻawina a me ka hana i mea e mākaukau ai ka haumāna i ka ʻōlelo Hawaiʻi a me ka ʻike moʻomeheu
II.A.vi. Hoʻomākaukau i ka pono aʻo ʻōlelo Hawaiʻi i mea e mālama ʻia ai ka mauli o nā haumāna pākahi
II.A.vii. Hoʻomākaukau i nā pono aʻo e kō ai ka pahuhopu ma ka hoʻohana ʻana i nā kūmole ʻōlelo Hawaiʻi like ʻole, nā moʻolelo like ʻole a me nā kūmole moʻomeheu like ʻole nō hoʻi
II.E. He Kanaka Aʻo Pono.
II.E.i. ʻĀwili ʻia ka ʻōlelo, ka moʻolelo, ka moʻomeheu a me ka maʻiʻo i kū hohonu honua ma nā pōʻaiapili a pau
II.E.ii. ʻIke ʻia nā kiʻina aʻo e mālama ai ka mauli o kēlā haumāna kēia haumāna, ʻo ia hoʻi, ka naʻau, ka pilina, ka piliʻuhane, ke kino a me ka noʻonoʻo
II.E.iii. Hoʻokomo ʻia nā kaʻakālai aʻo o kahiko i ke kulikulama; e laʻa nō, ke mele, ka ʻōlelo noʻeau, ka nane, ka ʻikioma, ka paukū hoʻopaʻanaʻau, ka moʻokūʻauhau, ka haʻiʻōlelo a pēlā wale aku
II.E.iv. ʻUme ʻia ka haumāna i ka hana i mea e hoʻoikaika ai ka noʻonoʻo kūhohonu ma o ke kiʻina aʻo o kahiko e hoʻohanohano ai i ka ʻāina, ke kaiāulu, ka ʻike a me ka waiwai o ia ʻāina
II.E.v. Hoʻohana i nā kaʻakālai e hoʻoikaika ai i ka mākaukau i ka ʻōlelo Hawaiʻi a me nā mākau kaʻaʻike ma nā ʻano like ʻole
II.E.vi. Hoʻohana i nā hopena aʻo ʻo ia ke kahua o ka loiloi kūpono a kū ʻoiaʻiʻo i ka ʻōlelo Hawaiʻi ma ke kaiapuni/kaiaʻōlelo
II.E.vii. Hoʻololi i ke aʻo i kūpono a pili i nā haumāna pākahi a pau a he mea e koi i ka hoʻāʻo
II.E.viii. Haku a hoʻohana i nā ana ʻoiaʻiʻo i ka nānā ʻana i ka holomua o ka haumāna
II.E.ix. Nalu, kālai a unuhi i ka ʻikepili i mea e hoʻokaika ai i ke aʻo ʻana.
II.I. He Kanaka Mālama Kaiaaʻo/Honua.
i. Kūkulu a mālama i ka honua aʻo maluhia; e laʻa nō, hoʻonoho i ka honua a me ka manawa, nā kaʻakālai hoʻokele lawena, hoʻomōhala i ka lawena ponoʻī a me ka pilina kānaka, a paipai i ke komo ʻana o nā ʻohana nō hoʻi i ka hoʻonaʻauao
ii. Kūkulu a mālama i ka honua aʻo ʻōlelo Hawaiʻi e hōʻike ana i ka waiwai o ka moʻomeheu e kākoʻo ana i ka hoʻomōhala mau ʻana i ka ʻike, ka loina a me ke kuanaʻike kūpuna
iii. Hoʻoulu i ka manaʻo kūpono a me ke kuleana no ke kaiāulu, ka honua a me kekahi kekahi ma o ke komo ʻana i nā honua aʻo like ʻole, ʻo ia hoʻi ke aloha ʻāina
iv. Kūkulu i ka honua e kākoʻo ana i nā haumāna a me nā ʻohana e komo i ka ʻōlelo Hawaiʻi